曹操故里都有「家鄉雞」？

東漢末年嘅曹操，相信唔駛介紹史友們都識。曹操係沛國譙人，即係今日嘅安徽省亳州，當地就有款以曹操命名嘅菜色，叫做曹操雞。嘩！呢款曹操大人命名嘅「家鄉雞」，到底乜嘢來頭呢？

「曹操雞」係徽菜當中其中一款傳統名菜，不過就唔係炸雞，而係一款藥膳雞。咁又同曹操有乜關係呢？相傳响赤壁之戰前，曹操大軍就去到廬州逍遙津，即今日嘅安徽合肥。由於軍政事務繁忙，搞到曹操大人頭痛病復，臥床不起。好彩，同行軍醫大夫就以麻、杜仲等中藥，配以當地古井貢酒，香菇、冬筍、蔥、薑烹煮入味而成，呢道菜唔單止香噴噴，仲有醫好曹操嘅頭痛問題。結果呢道菜就成為合肥一帶嘅名菜，亦由於呢個故事係發生响逍遙津，所以曹操雞又有另一個名，叫做逍遙雞。

除咗曹操雞，安徽仲有曹氏魚頭呢道菜，呢道菜背後相傳個故事仲誇張過曹操雞。相傳曹操有頭痛問題，於是佢個同鄉神醫華陀就開咗藥方俾佢，用各種藥材去煮魚頭，成為咗曹氏魚頭喇！