早幾日世衛就用到「大流行」（pandemic）呢個詞嚟定義今次嘅新冠肺炎，「大流行」（pandemic）喺希臘語入面即係所有人咁解，而用到呢個詞嚟形容嘅疫症，最早可以追溯到1580年，而呢近100年內就曾經出現過四次嘅「流感大流行」，當中殺傷力最強，感染範圍廣嘅一次，就係1918年嘅西班牙流感。

1918年嘅西班牙流感，感染全球三分之一人口，以當年全球17憶人口計就有成5億人中招。當年西班牙嘅疫症由1918年開始爆發，係屬於H1N1新型流感。據講，當時係第一次世界大戰結束嘅前後，由於前線嘅衛生環境相當惡劣，而且戰壕入面充滿屍體同病毒，喺戰爭結束嘅時候，呢啲病毒就跟隨住士兵返到鄉下，當時嘅源頭係位於美國肯薩斯州嘅福斯頓軍營。

疫情嘅第一波發生喺呢個軍事基地入面，第一位確診嘅病人係伙頭兵，而之後三星期內軍營入面就過千人感染，38人死亡。亦都因為士兵之間同埋軍艦嘅流感，美國境內就先有24個軍營受到流感感染，病毒之後亦都隨住美軍嘅軍艦傳播，去到同年嘅4月，中國、英國、西班牙同埋法國都有病例出現。

疫情之後繼續抗散，因為打完仗嘅士兵返鄉下，令到美國境內發生第二波嘅流感爆發，當時年輕患者嘅死亡率極高。而且，當時正值戰爭完結嘅時候，衛生環境差、再加上失業，大量人口流動，令到病毒更加容易傳播。

講開又講，「西班牙流感」其實並唔係嚟自西班牙，只係因為當年大部分國家對傳媒都嚴格管制，只有西班牙可以公開報道流感，於是當時嘅人就以為流感係西班牙傳出嘅。

原圖嚟自網絡