提起「鱔稿」，年紀大一啲嘅或者鍾意睇飲食版嘅史友可能都會知道其實係講緊宣傳稿，後來就引伸埋向新聞機構提供稿件嘅意思，但到底點解會同「鱔」扯上關係呢？原來係由上世紀中環威靈頓街一家叫南園酒家開始。


據講當年呢間總店喺廣州嘅南園酒家，佢嘅話事人係一位姓陳嘅商人，每年入秋之後都會宴請各大報紙嘅編輯食飯。南園最出名嘅菜就係生劏大鱔，咁天下當然冇免費嘅午餐，呢班編輯食完飯都會收到酒家嘅宣傳單張，部分嘅編輯亦都會喺報社嘅報紙上面寫返幾十個字幫酒家宣傳，例如當年就有一篇《南園酒家又劏大鱔》，而呢類型嘅稿件由於有介紹食鱔，於是就被人叫做「鱔稿」。「鱔稿」成為一時嘅風氣，令到報社喺其他廣告方面嘅收益減少，於是就唔畀再登「鱔稿」喇。


原圖嚟自網絡