中國向法國提供醫療物資 上面原來寫有兩國名言？

繼早前日本捐贈畀中國嘅醫療物資上寫滿古詩詞之外，早兩日阿史都喺中國向法國提供嘅醫療物資上面，見到兩句好有特色嘅名言，分別係「千里同好，堅於金石」同埋「Unis nous vaincrons」。

先講下「千里同好，堅於金石」，呢句說話係出自三國蜀漢學者譙周嘅《譙子·齊交》，意思其實係話，只要識到好嘅朋友，就算距離相隔千里，大家都可以同心相印、情誼比金石更加堅毅。至於「Unis nous vaincrons」，其實就係法國大文豪雨果嘅名句，意思係「團結必定能勝利」。

講開又講，其實唔止呢兩句說話引人注意，其實張紙上面都充滿特色，據講上面嘅圖案係由一位中國篆刻藝術家駱芃芃專門設計出嚟，成個畫面就係寓意美好嘅鳳凰同埋象徵和平嘅鴿一齊喺空中飛過，守護住中國同法國嘅國旗，而下方嘅建議正正就係北京天壇和巴黎鐵塔，真係幾有意思。