「洋銀熔入水溝，長至一二里」係講邊件事？

尋日就同史友們介紹到廣州十三行，喺海禁放寬之後，廣州十三行其實都有良好嘅發展，而去到清朝乾隆二十二年，四口通商就只係封淨廣州呢個口岸。由於「人臣無外交」官府唔可以同外國人直接交往，所以一切同外商有關嘅事務都係由廣州十三行嚟處理，亦都係因為咁造就咗呢班商人。

廣州十三行雖然確實有指係邊十三間，但後來唔同時期都有唔一樣嘅意思，全盛時期就有幾十家，而衰落嘅時候就只係幾四家。呢批「十三行」所做嘅生意既有向外商買茶葉，又有出口絲綢，令到佢哋累積到大量嘅財富。喺乾隆二十二年打後，單係廣州十三行提交嘅稅收，就已經佔咗全國關稅嘅四成，認真誇張。

咁到底呢班商人幾有錢呢？除咗喺當時十三行所在地嘅建築物可以體現到之外，仲有一件事，就係十三行街大火。1822年，就有記載指十三行街發生過一場大火，4000萬兩嘅白銀同埋貨物都一次燒清光，當時仲出現咗「洋銀熔入水溝，長至一二里」嘅景象，可想而知呢班商人幾咁富貴。