將軍澳原來同將軍有關？

呢排阿史同大家介紹咗唔少新市鎮，繼荃灣同埋沙田之後，今次想介紹嘅就係第三代嘅新市鎮—將軍澳。喺講呢個地方嘅近代發展史之前，原來佢個地名都有段故可以講下。

將軍澳依家係新市鎮，但以前就係一個鄉村地區，由魷魚灣、坑口、調景嶺等幾個地方包圍。雖然話係人煙稀少，但其實早喺13世紀嘅時候，呢度就已經有人居住。喺明末出版嘅《粵大記》入面，就有關於將軍澳嘅記載，而喺1898年《展拓香港界址專條》入面，將軍澳被標載為東口，咁到底將軍澳呢個地名又係點嚟呢？

近代嘅一個講法就係因為將軍澳海灣被標示做Junk Bay，所以中文就被音譯咗做將軍澳。比較廣泛嘅一個講法就真係同一個將軍有關！相傳喺明朝嘅時候，由於將軍澳海灣一帶有唔少有走私船出沒，於是朝廷就派咗一位將軍嚟到呢度鎖守，仲打擊唔少走私犯罪活動。後來，呢位將間就不幸殉職，村民為咗紀念呢位將軍，就將呢個地方命名做「將軍澳」。