海防道同越南海防市有關？

早排行過尖沙咀見到「海防道」呢個地名，阿史當時就已經諗到底係咪同越南海防市有關，點知原來當中真係有一段不為人知嘅關係。

呢條位於尖沙咀連接廣東道同埋彌敦道嘅道路，早喺1865年就落成，但原名其實係叫做額彌金道，係為咗紀念一位第二次鴉片戰爭嘅英國談判代表、下令焚毀圓明園、作為英國駐華全權代表接收畀限街以南嘅詹姆斯·布魯斯，亦即係額爾金伯爵而命名。

咁到底呢條路後來又點解會改名呢？咁開埠初期呢條路嘅使用率並唔頻繁，但後來隨住天星小輪嘅啟用同埋公共交通嘅發達，令到相類近嘅街名有唔少地理位置同埋郵政上嘅問題，同伊利近街（Elgin Street）英文名相似嘅額彌金道（Elgin Road）最後就只好喺1909年改名做海防道。