美國人「咆哮的二十年代」

今朝同史友們介紹到1929年華爾街股災果陣，就講到1920年代係被譽為美國人「咆哮的二十年代」(Roaring Twenties)，咁到底點解會有呢個講法呢？

經歷過一戰嘅美國同埋唔少歐洲國家，喺戰後前線兵就陸續返到自己嘅國家，喺戰後工業歐洲國家就因為戰後重建同埋勞動力減少等問題而受到經濟衰退等問題影響，但去到上世紀20年代中期就得到快速嘅恢復。而美國就有啲唔同，戰爭並冇對美國國內造成太大破壞，美國喺呢個時候就進一步傾向孤立主義，並且喺20年代嘅經濟發展方面已經超越歐洲。

咁呢啲唔同國家嘅情況又同「咆哮的二十年代」有咩關係呢？原來1920年代由於經濟逐步恢復同埋發展，西方世界嘅文化藝術方面亦都同樣出現唔少交流，成個社會出充滿藝術同埋文化活力，亦都因為工業化浪潮促進當時美國人同埋西方世界嘅生活變化，比如講爵士樂、狐步舞、電影、裝飾藝術等等就係呢個時代興起，所以亦都有人認為，呢個年代係歷史上最為精彩嘅年代。