「共和國勳章」有咩象徵？

早兩日阿史就睇到單新聞，就係關於鍾南山院士，聯同張伯禮院士、陳薇院士張定宇一共四人就分別獲頒國家勳章同埋國家榮譽稱號，藉此隆重表揚佢地喺呢次抗疫工作上嘅傑出貢獻。其中，鍾南山院士更係被授予「共和國勳章」，到底呢個勳章係代表咩？

「共和國勳章」其現行國家榮譽制度入面最高嘅一個級，要經過人大常務委員會決定，先可以由國家主席頒授。呢個勳章制度雖然係2016年1月1日開始啟用，但真係頒出就要等到2019年8月27日，當時第一批得到呢個勳章嘅人數亦都唔多，就只有「兩彈一星」元勳于敏、「雜交水稻之父」袁隆平、「中國氫彈之父」于敏等合共八人。

講到呢個勳章，當然係要介紹下成個設計，以紅色同埋金色作為主調，用上冷壓、花絲鑲嵌、琺瑯等等嘅複雜工藝，塑造出五星、天安門、長江黃河、牡丹、旗幟、光芒等元素，用嚟象徵獲得呢個稱號嘅人重大嘅貢獻，同埋希望佢哋可以喺各行業起到引領作用。