相信有睇新聞嘅史友都會睇到一單震驚嘅消息，就係有一個國家就因為呢次全球疫情嘅衝擊，先喺旅遊收入受重挫，再加上被追討稅項，最後就成為2020年第一個因為疫情面消亡嘅「國家」。

阿史今次想介紹嘅之唔係有40幾年歷史嘅赫特河公國囉！呢個「國家」其實係位於澳洲首府珀斯以北，講起佢嘅歷史就要數到1970年代。當時呢個「國家」嘅建立就係同一位農場主人有關，當時呢位叫做倫納德·喬治·卡斯利嘅農場主人就同埋幾位追隨者宣佈會將佢嘅農場土地從澳洲政府脫離，並且會成立一個叫做「赫特河公國」。雖然有呢個宣稱，但多年嚟無論係國際間定係澳洲政府都冇承認呢個國家存在。

「赫特河公國」土地面積達到75平方公里，唔少行為上都表現到好似一個「國家」咁，既有將國家改稱做王國、發行王國郵票同錢幣、亦都有貴族同埋爵位頭銜、甚至有國慶等等。成個國家人口估計有20人左右，主要就係靠出口花卉、農業產品、郵票同埋旅遊業等等。然而，呢個「國家」一直都被指欠稅，直到2017年6月16日就被澳洲稅局追討接近300萬欠稅，今年1月起就鎖「國」嘅赫特河公國最後都係無力還債，領導人Graeme Casley決定解散赫特河公國，售賣赫特河公國土地還債。呢個40幾年歷史嘅國家就咁結束喇！

原圖嚟自網絡