响1991年8月19日至21日，蘇聯發生咗場驚世政變，亦令世界大局有重大改變。

响上世紀八十年代中期，時任蘇聯共產黨中央委員會總書記戈爾巴喬夫開始探討改革嘅可能性，以應對蘇聯境內嘅經濟問題同社會問題。而响戈爾巴喬夫主導嘅改革下，蘇聯各加盟國政治上出現咗好大變化，好似响1988年戈巴卓夫宣佈蘇聯將放棄布里茲涅夫主義，減少對東歐國家內政干涉，結果就引嚟東歐各國嘅連場政治運動，蘇聯响東歐失去咗控制權。

對於戈爾巴喬夫連串改革，蘇聯共產黨黨內有唔少人感到不滿，响1991年8月19日，蘇共保守派發動政變，將戈爾巴喬夫軟禁喺黑海別墅，呢班保守派就包括咗蘇聯副總統、總理、國防部長、內政部長、國安會局長。不過，當時俄羅斯總統葉利欽就號召民眾上街，同軍隊對峙，最終呢場政變只係維持咗三日，呢場「八月政變」就以戈爾巴喬夫復職結束。

八月政變後，戈爾巴喬夫基本上失去咗管治威信，响1991年12月25日佢決定辭去蘇聯總統一職，蘇聯最高蘇維埃於1991年12月26日通過決議宣佈蘇聯停止存在，蘇聯從此正式解體，原本15個加盟國也恢復了主權地位。

原圖嚟自網絡