無幾耐就到中秋節，提起呢個人月兩團圓嘅節日，相信唔少史友們都會諗到一個好有節日特色嘅活動，大坑嘅中秋舞火龍。之不過，今年嘅中秋大坑冇火龍。

呢兩日大坑嘅坊眾福利會就宣佈會取消9月30日至10月2日所舉辦嘅周年舞火龍活動，雖然坊眾福利會就表示一早已經訂好晒所需嘅香燭同埋舞火龍團隊所需要用到嘅衫，但係擔心病毒有機會咁樣傳播，應該會呢項自「三年零八個月」以嚟都未中斷過嘅活動取消，希望可以喺年底先至舉行。

大坑舞火龍相傳喺19世紀末就已經出現，據講喺1880年一個中秋前夕，就有一條大蟒蛇走到入大坑村，村民雖然合力打死咗條蟒蛇，但係大坑村就發生咗　一場瘟疫，唔少村民病民，藥石無靈。村入面嘅父老就表示得到菩薩報夢，叫佢哋喺中秋當日舞火龍繞村遊行，同時燃燒炮竹就可以驅除瘟疫。結果，大坑嘅舞火龍真係驅除咗瘟疫，仲成為每年嘅中秋習俗。有唔少市民都知道呢段歷史，難怪就有人留言叫坊眾福利會如期舞火龍驅瘟抗疫啦！

原圖嚟自網絡