已故香港商人霍英東，係香港非常出名嘅愛國商人，而佢响五十年代韓戰期間，就突破封鎖運物資返內地，支援國家抗美援朝，至今仍為人津津樂道。

中國响1950年參與抗美援朝戰爭，導致西方國家對中國實施貿易封鎖。而香港就有班商人，為咗幫助國家渡過難關，於是組織船隊，秘密咁運送戰略物資返去，霍英東就係其中一人。聽故仔就好似件事好簡單容易，但其實有關行動都係非常驚驗。據霍英東生前憶述，當時駐港英軍就封鎖咗維多利亞港東西兩邊海峽，西邊汲水門海峽寬闊，東邊鯉魚門海峽較狹窄，咁應該揀邊度出港口會順利啲呢？結果霍英東兵行險著，決定响鯉魚門海峽出港。於是佢派人去鯉魚門記錄低英軍巡邏船隻、線路同時間，佢摸清英軍規律後就發現英軍唔理啲小艇，所以佢就派啲大船吸引英軍船隻嘅注意力，運載物資嘅船隻就乘機離港。就係咁，霍英東就用呢個方法不斷將戰略物資運返內地。多年後霍英東講返呢啲經歷，連佢都話當時其實都係「膽博膽」。

原圖：網絡