「十羊九不全」同慈禧有關？

關於十二生肖嘅謠言歷史上都有唔少流傳，提到羊呢個生肖就更加極端，「羊」喺歷史上曾經係吉祥屬相，被認為係安定、富裕、美好嘅象徵，但一踏入晚清，「十羊九福全」就慢慢被傳做「十羊九不全」，原來呢個變化係同慈禧有關！

傳統流傳關於羊嘅講法都係「十羊九福全」，而呢句說話開始改變據講就係清朝開始。當時孫中山組建同盟會對抗清政府，咁為咗令到呢件事好似天注定咁，佢就諗到仿傚劉邦建立漢朝果陣流傳嘅「斬白蛇」傳說咁，將屬羊嘅慈禧太后講成係「十羊九不全」。

慈禧太后係1835年出生，生肖屬羊，干支乙未年，佢嘅得力助手曾國藩同埋李鴻章都係屬羊，就連後來嘅袁世凱都係屬羊。當時孫中山同一眾革命黨就話慈禧既管理唔好自己，更加管理唔好國家，係「十羊九不全」。呢個傳言好快就喺民間流傳，廣大民眾都相信呢個傳言，慢慢仲取代埋原本嘅「十羊九福全」，至於係真係假，就真係不得而知喇！