「埋街食井水」同西關河涌有關？

喺唔少歌影視作品入面，一提到青樓妓女從良嘅時候，好多時候都會用到「埋街食井水」嚟形容，之但係從良呢件事同食井水有乜關係呢？原來要由西關嘅河涌開始講起。

喺以前嘅西關，河涌縱橫交錯，由沙基涌去到黃沙碼頭都有大量大寨細寨，形成咗盛極一時嘅「陳塘風月」。而當時呢條河涌上泊咗唔少「紫洞艇」、「沙艇」、「四柱艇」、「食艇」等等，其中「紫洞艇」就係一種酒船，有女人陪酒而廣州人認為係妓船。呢款船結構上頭重腳輕遇風浪必翻艇，所以只泊唔行。

由於係咁嘅情況，所以艇上嘅人只食河水唔食井水，假如要食井水就只可以上岸。於是，妓水從良就被指係「埋街食井水」喇！