繼續同史友們介紹一啲香港嘅特色街名,而今次阿史想講嘅就係位於薄扶林道同埋高街交界嘅水街,今時今日行過呢條街,相信大家都應該諗唔明點解會叫做水街。

如果時間返到百幾年前,相信史友們都會好易諗到個答案,原來水街呢個位置早年有一條大明渠係將附近嘅山泉水帶到維港,亦都係因為呢個地方同水有咁密切嘅關係,所以亦都叫做水街。

隨住港島人口增加,商業活動頻繁,呢條明渠都被覆蓋,原地就變咗做一條普通街道,由於附近有唔少學校同埋住宅,引嚟流動熟食小販車同埋固定菜檔出現,呢個情況維持到港府唔再簽發流動小販牌為止。

提起水街,仲有另外一個特色,就係每年盂蘭節,附近嘅街坊社團都會組織盂蘭節拜神燒衣紙活動,有唔少旅客都會慕名而來了解下呢個節日。

原圖嚟自網絡