早幾日國家主席習近平就考察江蘇，除咗去睇長江岸線環境同埋經濟發展之外，仲去到當地嘅南通博物苑了解清末企業家張謇生平，唔講唔知，原來南通博物苑都大有來頭架！

南通博物苑同張謇都有莫大嘅關係，事關呢間近代中國第一座由中國人獨立創辦嘅公共博物館正係張謇喺於1905年1月14日（清光緒三十年十二月九日）創立。

咁點解張謇企辦民企、學校之後，會諗到要興建埋博物館呢？原來喺1868年開始，當時中國都有唔少西方國家嘅人創立博物館就好似著名嘅徐家匯博物館、亞洲文會博物院、華北博物院等等。當時唔少比較開明嘅人士好似康有為、梁啓超都有提出過相關嘅睇法，但就最後因為變法失敗而未能事成。

去到1903年，張謇去到日本考察實業之後，當時就五次參觀大阪嘅「國內勸業博覽會」，亦都去過「日本東京帝國博物館」，仲將唔少感想紀錄咗喺自己日記入面，表明想「移置中國博物院差不倍耳」的」。

於是，去到1905年，張謇向清政府上《上學部請設博覽館議》同埋《上南皮相國請京師建設帝國博覽館議》，當中提出喺京師設立博物館作為各省模範，但建議未被採納，最後就只好自己喺南通親自示範，利用通州師範學校以西、濠河對岸面積約三十餘畝土地用於文物標本收藏、展出，早期仲設立埋植物園，動物園，但可惜喺1938年日軍侵華嘅時候呢度大受破壞，去到1950年代先展開修復。

原圖嚟自網絡