新中國首家上市公司係邊間？

依家內地企業好多都係巨無霸企業，仲有啲成為世界500強，認真厲害。今時今日，唔少企業都上市集資，咁史友們又知唔知1949年之後，首家上市嘅公司又係邊間呢？

可能唔少人都會諗係咪中銀呀、平安保險呀、中石油青島啤呢啲著名企業。不過，通通都唔係，而係一間叫上海飛樂音響股份有限公司。上海飛樂音響股份有限公司創立於1984年，1986年上市，係1949年之後第一家股份制上市公司。其實，呢隻股係當時國家向社會公開發行股票嘅股份制試點企業，號稱中國第一股。呢隻股仲有一個好特別嘅故事，就係鄧小平响1986年將飛樂音響股票贈送給訪華嘅時任美國紐約證券交易所主席約翰‧范爾霖，認真威水。

時至今日，呢隻第一股依家表現真係認真麻麻，蝕錢之餘之前仲有高層被查。所以有人就話呢隻股仲留响A股市場純粹係紀念性質。