提到廣東、甚至係香港嘅特色美食，牛雜相信都會係其中一項大家經常食到嘅食品，但到底又係邊位勇者忽發奇想會煮啲動物內臟嚟食呢？原來呢種食品可能係同廣州嘅一間清真寺有關！

喺光緒年間嘅廣州，當地有一座始建於唐代嘅清真寺，叫做光塔寺，寺廟附近都係唔少伊斯蘭教回民嘅聚居地，有住一班龐大嘅人口。要知道出於宗教信仰，伊斯蘭教教徒都唔吃豬肉，所以當時光塔寺入面就有一個回民廚師，佢就想經營一間食店，當時佢就諗到開一間牛香店，即係用齊牛腸、牛膀、牛肺、蘿蔔用加了花椒、八角等味料，再加埋醬汁慢火炆牛雜，結果就出乎預料。牛雜經過香料慢火炆即時變到相當好味，而蘿蔔又吸晒牛雜味，當時呢款牛雜就被叫做和味牛雜蘿蔔，呢款菜式一推出，即時受到附近回民、甚至非回民都嚟到幫襯，後來廣州人都相繼模仿呢種菜式，亦都令到佢成為廣州一種美食。

原圖嚟自網絡