早排阿史就同史友們介紹過舊香港大會堂，之但係早年嘅舊香港大會堂雖然係由市民捐款同埋股票籌集而建成，但存在住唔少歧視華人嘅規矩，仲未算係一個真係對公眾開放嘅文誤中心。隨住舊香港大會堂1947年被拆卸，新一代香港大會堂1962年落成啟用。

呢座公共文娛中心位於港島中環愛丁堡廣場5號，呢座建築物附近當年正係喺愛丁堡廣場第四代郵政總局、昔日第三代的中環天星碼頭同埋已拆卸嘅皇后碼頭一帶，係一個相當龐大嘅公共空間之中。

香港大會堂所在嘅地方其實係一塊填海地，當時政府就用咗接近2,000萬港元去建成呢個新嘅大會堂，一度成為唔少官方儀式、慶典舉行嘅地方，連當時英國皇成員嚟到都係喺呢度舉行歡迎儀式。

咁新一代嘅香港大會堂又有咩設施呢？呢座包浩斯建築風格為主嘅大會堂，內部就有香港第一間公共圖書館，曾經亦都有美術館同埋香港博物館，而近年就主要係大型文化節目舉行嘅地方。

原圖嚟自網絡