葛量洪係點睇曾昭科？

尋日阿史就同大家介紹到號稱「香港第一諜案」入面嘅主角、警察學校副校長曾昭科，佢當年就被指參與過為中方刺探港英情報嘅間諜活動，後來喺英方58日扣查後未經審判就遞解出境。咁曾昭科精通唔少語言，亦都有返咁上下學歷、槍法準，唔單止做過助理警司，仲做過香港總督葛量洪保鏢，咁葛量洪到底係點睇曾昭科呢？

葛量洪原來曾經喺自己嘅回憶錄入面唔點名咁提到曾昭科，佢當時就表示，曾昭科呢個人比一般人更加易得到人哋嘅好感同埋聰明，葛量洪本人就認為佢會喺警隊有好好嘅發展，其至仲可以去到處長級。之不過，喺葛量洪離港後四年，曾昭科竟就已經被遣送返到中國。

而關於呢段經歷，曾昭科非常口密，基本上就冇同人透露過呢件事，佢喺生前就曾經講過，喺佢過身之後，有個叫做秦牧嘅人將呢件間諜故事重新寫出嚟，之不過呢位秦牧比曾昭科早逝，呢段間諜故事就更加不為人知喇！