話說近排最重磅嘅消息當然就係嫦娥五號成功交會對接，將月球樣本容器安全轉移至返回器入面，呢次亦都中國航天器首次實現月球軌道交會對接。除咗呢一點，其實成個月面自動採樣封裝過程仲有一樣威水嘅地方，答案就係喺枝旗上面喇！

喺點火起飛前，其實嫦娥五號著陸器上升器組合體係帶有一面「織物版」五星紅旗，如果以為呢枝旗係普通嘅國旗咁就錯喇。要知道喺月球嘅空間受到強烈電磁輻射，同時月球表面亦都係得攝氏正負150度溫差，普通嘅國旗根本冇可能喺月球上面用到，會好短時間內褪色、串色，甚至分解。

而今次用到嘅呢一面有別於嫦娥三號、四號所用到嘅噴塗方式，呢次係中國首次係月球展示「織物版」五星紅旗，結合咗二三十種纖維材料、記憶合金技術、捲軸技術、防靜電、防月球塵埃等技術，令到國旗可以喺高低溫之下都展示到出嚟，真係唔簡單！

原圖嚟自網絡