銅鑼灣以前有個「小銀座」？

近年嚟唔同國家嘅連鎖店又或者百貨公司都選擇嚟到香港開設分店，近日仲有間日資連鎖折扣店相當火熱，接連喺香港唔同區域開咗幾間分店，大排長龍。有返咁上下年紀嘅史友，唔知見到眼前呢個景象，又會唔會諗返起以前嘅銅鑼灣呢？

以前銅鑼灣嘅日資百貨公取真係成行成市，多到一個情況就係令到銅鑼灣有「小銀座」呢個稱嗎。上世紀嘅銅鑼灣，百貨公司就真係相當盛行，仲曾經出現過四強並立嘅年代。最開始當然係要講下大丸啦！呢個當年著名嘅地標，位於記利佐治街同百德新街交界，直頭小巴就可以大叫「大丸有落」。作為1960年第一間日資百貨公司，佢就真係打開咗成個香港市場，令到日資百貨廣為人知。

之後就到1978開業松阪屋，當年首屈一指嘅四層百貨公司，地庫有多間著名日本食店，永遠大排長龍，相信唔少史友可能都有份排過。差唔多同期出現嘅三越就喺1981年開業，當年轉行高檔路線，唔少貨物價格都唔平。而到現時，當年嘅四強就只係得返崇光仍然喺銅鑼灣，之不過呢間就唔再係日資百貨，而係畀香港商人收購咗。