尋日就同史友們介紹到「嫦娥五號」喺月球上面第一次展示真正嘅中國國旗，「嫦娥」系列嘅探月工程大家就聽咗好多年喇，咁到底呢個工程係有咩目的呢？阿史今次就同大家介紹下啦！

中國探月工程，實際上都係中國國家航天局啟動嘅第一個探月工程，呢個工程喺2003年3月1日正式啟動，成個探月工程整體嚟講就分成「探」、「登」、「駐」三大步，分別係指無人探月、載人探月同埋長久駐月。

「嫦娥五號」就係當年預計會用到20年時間去完成「探」步驟入面嘅三小步，

而現時「嫦娥五號」就係完成咗「繞」、「落」、「回」三個期段，喺完成咗採集月球土壤同岩石樣品之後，第四期嘅工程就係對月球進行一系列嘅科研活動，並且為建立月球科研基地前期工程進行探索，下一步就係踏入「大三步」入面嘅第二步，喺2030年代內實現中國航天員登月，到底今次「嫦娥五號」嘅工程有乜嘢發現，載人登月工程又幾時成功，真係好令人期待！

原圖嚟自網絡