「一二·九」運動 學生籲停內戰共赴國難

1935年嘅12月9日，喺北平市（即今日北京市）出現一次「一二·九」運動，亦係中國近代史一次重要嘅愛國運動。

話說日本帝國主義展開侵華、佔領中國東北之後，繼續向華北進犯。話說响1935年六至七月，日本控制咗當時嘅察哈爾省，仲使漢奸殷汝耕建立傀儡政權。而响當年夏天，黃河水災災情嚴重，當時北平學生就發起賬災活動，後尾就演變成一場救國運動。到咗同年11月，殷汝耕宣佈成立「冀東防共自治政府」，脫離國民政府。結果激起華北地區學生嘅不滿同抗議。北平各大中學校學生代表响11月18日秘密成立北平學聯，及後提出呼籲「停止內戰，共赴國難」，並發起示威同遊行。12月9日，超過6000個北平各大中學校嘅學生走上街頭，向當時國民政府軍政部長何應欽請願，要求國民政府停止內戰、共同抗日等訴求。事件後嚟引發北平學生罷課同响12月16日再次遊行示威，全國多個城市亦掀起學生運動。

咁到底呢次係乜嘢點解咁重要呢？就係因為呢場愛國運動呼籲起全國廣大人民愛國之心，響應停止內戰、共赴國難，同心對抗日本侵華。而張學良晚年都講，話當時知道北平學生嘅愛國行動，自己深受感動。