今朝就同史友們講到，喺1937年嘅今日正係南京大屠殺發生嘅日子，有史友就問到，到底點解呢場大屠殺死傷會咁慘重，其中一個原因就係同「安全區」嘅問題有關。

其實喺當年11月中開始，原本常住人口有過百萬嘅南京城，喺日軍展開進攻之前就已經有唔少政府機關、學校、難民等等逃離南京。當時就有二十幾位嘅西方僑民，眼見南京城可能會被攻陷，而難民嘅人數眾多，於是就本住人道主義嘅精神喺南京西北部成立一個畀平民免受炮火侵襲嘅區域，亦都係叫做「安全區」。

當時佢哋成立咗一個叫做南京安全區國際委員會，並且得到南京市市長承認，仲為安全區提供糧食、資金，當時嘅南京衛戍司令官唐生智亦都將安全區嘅軍隊撤走，以免日軍有藉口攻擊安全區。

之但係，當日軍攻陷南京之後，就拒絕承認安全區，亦都冇遵守同國際委員會的約定，強行闖入安全區，劫掠財物、姦淫婦女，大肆抓捕青壯年，大批冇充足時間走難嘅中國平民就咁被殺害。

原圖嚟自網絡