响1941年12月13日，英軍全數退守香港島，日本佔領九龍半島，直至12月18日先進攻港島。而呢段時間，日本除咗以武力威嚇對岸守軍，仲施展一啲技倆勸駐港英軍投降。

由於兩軍隔咗個維多利亞港，於是日軍就以一個大氣球，掛住一條寫上勸降字眼嘅直幡，從九龍半島飄過港島，呢次就被視為日軍第一次向駐港英軍提出勸降要求。無幾耐之後，日軍就派出勸降使團，由九龍半島坐船到香港島，而呢隻船裡面就有相中呢位洋人女士，佢就係當時輔政司詹遜的秘書夫人李氏，而呢個勸降使團仲帶同日軍嘅勸降書。不過，港督楊慕琦收到勸降書後就即時覆函拒絶投降。雖然日軍提出勸降，但佢哋同時亦不斷炮轟同空襲港島。到咗12月18日，日軍登陸港島進攻，展開咗香港保衛戰最後同最慘烈嘅階段。

原圖：網絡