近排網絡就因為一條影片而引起中韓網絡論戰，兩地網民都就住一件事進行討論，就係到底「泡菜」起源自邊一個地方。

事源係知名美食網紅博主李子柒近排就上傳一條影片，片中佢就講述蘿蔔由種植再去到被整成泡菜嘅過程，當中唔單止有製作醃漬蘿蔔，仲有唔同種類嘅蔬菜，結果就引嚟大批韓國網友圍攻，批評佢將「韓國菜當成中國菜」。呢件事嘅其中一個焦點就係，李子柒所整嘅到底係邊種「泡菜」。

雖然韓國嘅泡菜係好出名，但其實中國嘅泡菜都有悠久嘅歷史。喺古代，泡菜係被稱為「菹」，係周王室祭祖果陣都會用嚟做供品嘅食物，而喺《周禮．天官．醢人》入面，就有記載到當時嘅醃菜一共有「七菹」：韭菹、茆（音毛，蓴菜）菹、葵（冬葵）菹、箈（音台，嫩筍）菹、筍菹、菁菹、芹菹。

去到北魏嘅時候，農學家賈思勰《齊民要術》入面仲有提到中國泡菜嘅製作方法，其中一艇就係「作鹽水，令極鹹，於鹽水中洗菜，即內甕中。……其洗菜鹽水，澄取清者，瀉着甕中，令沒菜把即止，不復調和」，可見中國泡菜都有返相當悠久嘅歷史。

雖然兩地網民都展開熱烈討論，但有唔少網民都表示，唔會在意呢道菜係邊個發明，反而係覺得成個拍攝手法同埋畫面都好驚艷。

原圖嚟自網絡