界限街係點樣嚟？

早兩日（1月19日）對香港嚟講係一個好特別嘅日子，喺當年嘅19日，英國正式接收「界限街」以南九龍領土。

1860年，清朝政府同英法聯軍爆發第二次鴉片戰爭，英軍喺3月18日登陸九龍半島岬角尖沙咀，喺同月21日英法聯軍控制埋廣州，10月嘅時候仲佔領北京安定門，炮口直指紫禁城，隨後搶掠以及縱火焚燒圓明園。喺戰敗之下，清朝全權代表恭親王奕訢就同英國簽訂《北京條約》，《北京條約》第六款入面就係將「粵東九龍司地方一區」，亦即係九龍半島界限街以南一大半割讓畀英國。

喺英國正式接收「界限街」冇幾耐，就劃定「界限街」嘅範圍作為界線，規定呢條界線開關時間係每日早上6時至日落之後。直至1898年，英國政府根據《展拓香港界址專條》租借新九龍及新界為止，呢條界限線先畀英方改稱為「舊邊境線」。