明朝內廷有個「寶鈔司」？

如果講起明朝嘅寶鈔，相信唔少史友都會即時諗起「大明寶鈔」，明朝內廷亦都有個部門叫「寶鈔司」，但原來呢個「寶鈔司」後來唔係生產「大明寶鈔」架！

「寶鈔司」係同「惜薪司」，「鐘鼓司」，「混堂司」同為明宦官四司之一，「寶鈔司」呢個部門其實係專門幫皇族生產廁紙。據記載，寶鈔司掌造粗細草紙，早喺永樂七年巳酉（1409年）就已經設立咗喺北京，喺西華門用嚟打漿嘅池。

喺《蕪史》入面就有講到「寶鈔司造草紙，備宮人使用，祖宗時造鈔印版及紅印，聞在庫中，其署左臨河後倚河，有泡稻草池，池中有石灰爐渣，視成臥象形，名象山，作房七十二間」，由紙張材料去到製造手法都相當講究，要用上桑穰、樺樹皮，真係估佢唔到。