最近响網上流傳一張相，就係一個商場為咗慶賀農曆新年，就放咗兩隻牛同馬公仔响度，結果响網上受到非議，梗係啦！新年流流搞啲咁嘅嘢！大吉利是咩！

牛頭馬面係中國文化中兩個陰間嘅神祇，一個牛頭人身，一個馬頭人身，職務係地府兩個鬼卒。雖然牛頭馬面响中國民間多年來都深入民心，但原來牛頭馬面本身唔係嚟自中土，而係來自中土以外地區。牛頭馬面由來係源自佛教，响佛教《五苦章句經》有載，牛頭名為阿傍，另據《鐵城泥犁經》所載，牛頭「於世間為人時，不孝父母」，死後變為鬼卒，牛頭人身。至於馬面，馬面係馬頭人身嘅羅刹，係地獄裏負責管理為惡嘅鬼魂。而响《楞嚴經》就有載「牛頭獄卒、馬頭羅剎，手持槍矛，驅入城內，向無間獄。」反映咗佢兩個嘅職務。後嚟牛頭馬面呢個概念傳咗入中土後，就俾道教吸納咗，做咗閻羅王同判官嘅下屬。但有趣嘅係，依家响佛寺就好少會見到牛頭馬面，响道教廟宇反而有機會見到兩位大人嘅像。

原圖：網絡