作為明清兩朝二十四位皇帝嘅皇宮，600幾年嘅綠瓦紅牆、一年四季嘅美景早已令到呢個地方聞名於世，關於呢個地方嘅相片、明信片同埋影片都多不勝數，但如果阿史講到有現代手繪嘅全景圖，唔知大家又有冇睇過呢？

阿史當然就唔係冇啦啦講起故宮啦，而係近日有位90後嘅男士，二十幾歲人第一次出差去到北京，點知一見到故宮就被呢個地方嘅氣勢震撼到，原來係大公司設計師嘅佢決心辭職，用咗半年時間將故宮全景畫咗出嚟。據佢事後接受傳媒訪問，佢呢次一畫就足足用咗半年時間，成幅畫作長達2.9米，單單係起稿就已經用咗3個幾月，就算放大幅畫嚟睇，建築物嘅細節都係清晰可見，認真犀利！

傳說呢個地方總面積 72 萬平方米，一共就有殿宇宮室 9999 間半，唔知史友們又數唔數得出呢？

原圖嚟自網絡