鄧小平畫像換過幾次？

除咗蓮花山山頂嘅鄧小平銅像，深圳另一個同鄧小平有關嘅地標就係鄧小平畫像廣場。

呢個地方係响深圳福田區深南大道北、荔枝公園一帶，係深圳市地標之一，每年亦吸引唔少遊客同市民响呢度影相。响1992年，深圳市委宣傳部就响呢個地方竪立一張宣傳改革開放嘅大型宣傳畫，本來最初只係打算响鄧小平講話嘅幾句寫上去，但設計公司覺得放埋鄧公上去效果更好，結果鄧小平畫像就咁樣响深圳出現喇！

其實，如果史友們今時今日去深圳睇個幅大型畫像，已經唔係29年前個幅。第一個版本係寫上鄧公生前嘅講話：「不堅持社會主義，不改革開放，不發展經濟，不改善人民生活，只能是死路一條。」後嚟响1994年就換第二個版本，畫像上嘅標話就換成：「深圳的發展和經驗證明，我們建立經濟特區的政策是正確的。」到咗1996年，畫像第三個版本出現，就係同依家版本嘅原型，畫像上嘅標話就換成：「堅持黨的基本路綫一百年不動搖。」到咗2008年，鄧小平畫像第四個版本出現，亦即係今時今日大家見到嘅畫像。第四個版本同第三個版本唔同，主要係鄧公身後嘅深圳景色有所改變。