史友們坐過直通車去廣州，九成九都會係响廣州東站落車。廣州東站响廣州南站擴建之前，係廣州市最現代化嘅車站，亦代表咗廣東响改革開放進程當中一個重要標誌。

响以前，廣州站係廣州市以至廣東省最重要嘅鐵路交通樞紐，要响廣州去全國各地就要响廣州上車。至於廣州東站，原為天河站，係始建於1940年，係廣州市東郊地區（以前天河區個邊係農村地帶），係一個客貨運輸嘅小站。咁呢個小站點解會搖身一變成為大站呢？响八十年代，廣州市政府決定開發東邊嘅天河區，呢個集商住於一身嘅新區標誌住廣州市邁向現代化，而位於當地嘅天河站响1988年完成初步擴建，成為廣州東站，响九十年代完成擴建工程，成為當時中國境內最現代化嘅火車站之一。

原圖：網絡