酒相信唔少史友都好鍾意飲，而且年份越耐，酒味就更香醇，咁唔知2000幾年前嘅酒又會係咩味道呢？

近排山西省嘅考古研究院就公布咗喺垣曲北白鹅墓地發挖到嘅酒類遺存研究結果，呢片墓地其實係考古團隊喺2020年進行搶救性發掘嘅一片墓地，當時一共就搵到9座墓葬，當中就出土咗500幾件文物標本，裝有液體殘留嘅M1號銅壺亦都係其中一個。

其實喺考古團隊發現到呢個銅壺嘅時候，都好相信呢個會係古酒嘅遺存，但到底具體成份係點，又有啲咩物質呢？為咗解答呢個問題，考古人員就採集咗液體殘留物、器底土壤等等，進行科學分析。雖然因為地下水、淤土、微生物等等嘅因素令到古酒嘅成份好複雜，但就都可以驗到有酒石酸、丁香酸、蘋果酸等等，可以肯定係先秦果酒，到底味道會係點，阿史同大家都一樣好好奇啊！

原圖嚟自網絡