《辛丑條約》到底有幾慘？

尋日阿史就同大家講到中美兩國最高外交官員喺美國阿拉斯加加安克雷奇展開會，而呢條會議中美雙方嘅表現就引起唔少媒體拎辛丑年嘅一次和談嚟比較，甚至唔少網友仲表示「中國不是那個中國了」。呢句說話背後其實就暗藏住一段相當悲痛嘅歷史，咁到底當年《辛丑條約》有幾慘呢？阿史今日就同大家講一講啦！

《辛丑條約》，其實就係八國聯軍攻入北京後，當時清政府同英國、美國、日本、俄羅斯、法國、德國、等十一個國家所簽訂嘅一條不平等條約。呢次不平等條約就要求清政府賠償4.5億兩白銀（即係中國人口每人賠一兩）、分三十九年以關稅、鹽稅抵還、北京被逼設立使館區並且由外國駐兵防守、由大沽炮台及北京至山海關沿途各炮台被逼拆毀。

呢次條約唔單止令到清政府付上沉重嘅財政壓力，仲令到京師關防洞開，由關稅、鹽稅等等嘅經濟命脈全操外人之手。咁都未算慘，最慘就係呢次巨額嘅賠款令到百姓苦難更深，後來國家投資都以軍備優先，民生真係相當困苦；而且呢次容許外國駐軍仲間接造成後來嘅軍閥割據，為往後嘅苦難日子埋下伏線。