掃桿埔有條「衛斯理村」？

「衛斯理」呢個系列嘅科幻作品相信係伴隨住幾代史友成長，而喺以前香港島掃桿埔近渣甸山一帶，其實直頭係一直條鄉村叫做「衛斯理村」，咁呢個時侯阿史就諗到一個問題，就係到底有「衛斯理」同「衛斯理村」有咩關係呢？

既然要解答呢個問題，當然就要同大家介紹下衛斯理村先啦！呢條喺1954年由循道會同埋衛理公會籌建嘅鄉村，其實就係喺1955年落成，至於籌建嘅目的其實係為咗安置1953年石硤尾大火災民，所以真係好有意義架！咁點解呢條鄉村又會叫做「衛斯理村」呢？原來就係為咗紀念返呢條基督教新村嘅落成，所以就以約翰·衛斯理命名。建成後嘅衛斯理村就一共有80個平房單位，合共安置500人；而村落隨住人口不斷遷出，慢慢就喺2000年之後被清拆。

咁言歸正傳，「衛斯理」同「衛斯理村」又係有咩關係呢？原來有次作家倪匡搭車經過大坑道果陣，就見到衛斯理村嘅門牌，一時之間就感覺應該要用嚟做科幻小說主角嘅名，所以就創作出衛斯理系列喇！