早幾日阿史就同大家介紹過被老布殊稱為「老虎楊」嘅楊潔篪主任，而關於佢嘅故事同事跡當然唔止得咁少，喺面對住代表國家對話美國時態度強硬嘅楊潔篪，原來背後都有唔少廣泛嘅愛好，佢仲被形容為「鐵漢柔情」。

出生喺1950年5月嘅楊潔篪，擁有南京大學歷史學係博士學位，而佢自1972年起就開始從事外交工作，做過中國駐美國大使、外交部部長等職位，佢負責外交事務嘅一面大家都見唔少，但唔知楊潔篪表演蘇州評彈大家又見過未呢？近日網上就重新流傳一段影片，影片入面就係2005年果陣楊潔篪喺評彈藝人秦建國、蔣文嘅琵琶伴奏下，彈唱評彈名家蔣月泉嘅名段《庵堂認母》，都真係彈得有板有眼。唔單止咁，楊潔篪原來仲喺毛筆書法上有專業嘅水平，認真犀利啊！

原圖嚟自網絡