早幾日就係22年前北約喺科索沃戰爭當中開始轟炸南斯拉夫嘅日子，塞爾維亞共和國舉行咗多場大型活動悼念呢件事，而佢哋嘅總統武契奇仲表明永遠唔會忘記當時發生嘅事，仲強烈譴責北約國家未經聯合國安理會授權就對主權國家發動攻擊，到底呢件係咩事？阿史今日就同大家講下啦！

呢場代號名為「盟軍行動」嘅轟炸由3月24日持續至6月10日，過程中向990個目標發射2300枚飛彈、投擲14000枚包括貧鈾彈等污染性極高嘅武器，事件直接造成2000名平民喪生，當中唔少嘅禍害仲遺禍至今。呢次嘅行動係北約首次未經聯合國安理會批准使用武力，而且對象係對北約會員國、亦都係冇造成威脅嘅主權國家。

咁剛才阿史都提到呢場轟炸係有禍害，咁到底係啲咩呢？原來就係貧鈾彈。貧鈾彈藥係被形容為「全球範圍內的生態滅絕」，過往就有當地專家做過「鈾-238.我的故事」紀錄片，當中就指出呢場轟炸係北約有意進行，目的係想污染愛琴海、黑海等區域。而15噸貧化鈾相等於170枚核彈，帶嚟嘅放射性污染就令到過去十幾年間有三萬幾人患上癌症。難怪我國嘅外交部發言人華春瑩都警告北約，仲提醒佢地同樣「欠著中國人民的血債」。

原圖嚟自網絡