何東夫人醫局建築風格好罕見？

早幾日阿史就同大家介紹過同何東二夫人張靜蓉有關嘅佛教建築物「東蓮覺苑」，相信史友們都知道香港仲有唔少建築物都係以「何東夫人」命名，而今次阿史就想命紹一下一座以何東夫人命名嘅建築。

呢度所指嘅「何東夫人」，其實就係何東嘅第一任夫人麥秀英，而何東夫人醫局就係位於上水古洞路38號，正正就係古洞街市旁邊。呢座建築物係建於1933年，係喺新界鄉村最早成立嘅醫局，當時就為唔少古洞、金錢村、河上鄉嘅村民提供基層醫療服務，真係意義重大。

而喺呢座建築建成無耐，唔單止係用作母嬰中心、亦都係用作印度士兵嘅療養院，後來就更加有埋門診服務。而呢座建築物唔係單純醫局咁簡單，當中佢嘅建築風格仲係中西合璧，中式瓦片屋頂而整體建築就係用到西式工藝風格設計，整體嚟講香港真係幾罕見！