近日喺演藝界有唔少令人傷感嘅消息傳出，有粵劇大老倌之稱嘅尤聲普就喺尋日離世，享年89歲。

呢位咁犀利嘅人物出生喺1934年嘅廣州，佢嘅父親尤驚鴻本身就已經係著名男旦，喺自細受到耳濡目染之下，尤聲普就發現自己鍾意做戲，以9歲之齡投身戲行，並且同名伶嫦娥英、關德興、子喉海等人一齊演出，真係巴閉！

尤聲普早年就跟過陳少俠學做旦角、去到60、70年代就入過好多個劇團，同梁醒波、新馬師曾、鄧碧雲等大老倌做過拍檔，亦都喺梁醒波建議之下軓做丑生，同時亦都跟過有「北猴王」之譽嘅京劇名伶李萬春、京劇短打武生劉洵練功學習身段。

尤聲普唔單止長年參與表演，佢自己亦都嘗試創作。佢喺1971年就開始同一班年青演員組成香港實驗粵劇團，以實驗粵劇新風格為宗旨，積極創作和改編粵劇,講到最經典嘅果次，就係喺2000年將莎士比亞名劇《李爾王》改編成粵劇《李廣王》， 一洗粵劇守舊嘅一面。

原圖嚟自網絡