世界各地嘅地下都有好多唔同嘅古代遺存，而喺機緣巧合之一都可以搵到唔少得意嘅文物。近日喺俄羅斯嘅克拉斯諾亞爾斯克水庫，就有考古學家搵到一塊破碎嘅銅鏡。喺俄羅斯搵到銅鏡可能唔係太出奇，但奇就奇在呢塊銅鏡可能係嚟自元朝，甚至上面仲刻有中文字，到底呢件係咩文物，阿史就同大家介紹下啦！

據俄羅斯克麥羅沃州立大學組成考古小組喺今年5月至克拉斯諾亞爾斯克(Krasnoyarsk)嘅水庫進行研究果陣，就意外喺呢個水庫底搵到一塊破損嘅青銅鏡，而喺考古團隊進一步研究之後，就認為呢塊應該係十一、十二世紀嘅銅鏡，而鏡係有外框、框上面亦都刻有中文字，寫明『豐州錄事司』字樣，甚至仲有埋官員頭銜、姓名、職位，最後仲刻有「接受並心懷敬意」。

喺古代，鏡就經常被認為係禮物，都會贈送畀被任命或擔任某種職務嘅官員，至於點解呢塊鏡會落喺俄羅斯，就真係一個未解之謎喇！

原圖嚟自網絡