中國「雜交水稻之父」袁隆平逝世 享年91歲

中國擁有住龐大嘅人口，特別係喺建國初年，糧食嘅供應都係一大問題，而解決定呢個問題，其中一個方法就係從水稻入手。而喺今日，有中國「雜交水稻之父」之稱嘅袁隆平逝世，享年91歲。

袁隆平出生喺1930年嘅江西，高中之後就主力研究農學系，主修遺傳育種學，而喺大學生活結束之後，佢就去到湖南省懷化地區安江農校任教，由於喺1960年嘅時候全國性的大饑荒爆發，佢見到路邊一具具骨瘦如柴嘅屍體心中不忍，令到佢決心喺農業科研上闖出一番成就。

袁隆平育種嘅雜交水稻品種，令到水稻單位產量由畝產300公斤上升到900公斤以上，亦都係因為咁令佢被廣泛稱為「雜交水稻之父」，亦都救活咗千千萬萬嘅中國人。