1958年金門炮戰期間 美軍曾考慮對中國進行核打擊?

1958年金門炮戰嘅歷史阿史就同大家介紹唔少，而當時嘅戰況其實相當危險，近日就有一份被披露出嚟，重新令大家意識到當時美軍係有幾瘋狂嘅諗法！

美國前軍事分析師丹尼爾•埃爾斯伯格（Daniel Ellsberg）向美國《紐約時報》披露咗一份五角大樓機密文件，當中1966年美軍研究報告入面就顯示，1958年炮擊金門開始兩日之後，時任美國空軍太平洋司令部指揮官勞倫斯•庫特（Laurence Kuter）就向美國政府要求核武器授權，因為佢覺得如果局勢持續落去，美國如果喺唔用核武器嘅情況下，可能缺乏勝算。

而諷刺嘅係，當時勞倫斯•庫特嘅提案係得到支持，佢仲表現可以好「克制」咁打擊目標限定在空軍基地，計劃亦都得到時任美軍參謀長聯席會議主席南森•特文寧（Nathan Twining）支持，甚至南森•特文寧仲提出可以更廣泛對中國進行核打擊，範圍最北邊可至上海。