繼續同史友們介紹我國嘅一啲珍貴文物，上次就同大家介紹咗全國考古出土最重嘅金器，亦即係西漢金獸。而西漢時期嘅寶物又點止一樣，今次阿史就同大家講下玉角杯啦！

西漢玉角杯係西漢明期玉器嘅精品，呢件寶物喺1983年嘅廣東西漢南越王墓發掘出嚟，依家就存放喺西漢南越王博物館。呢個角杯出土嘅位置亦都比較特別，係喺墓主棺槨頭箱，可見呢隻杯嘅主人生前係相當鍾意呢隻杯。

玉角杯顧名思義就係外形極似一隻犀牛角，口橢圓，微折，腹中空，整體係由一塊和田青玉雕成，局部仲有紅褐色沁色。玉角杯唔單止係塊玉本身靚，而且杯身上亦都有一條夔龍紋飾盤繞杯身，杯口位置仲用上陰刻線、杯底逐漸過渡為淺浮雕，高浮雕，圓雕、透雕，係極為罕有嘅一件器物可以應用晒咁多種雕刻技術。由於呢件文物真係獨一無二咁濟，所以國家文物局係直頭禁止呢件文物出境，唔知又有冇史友去過睇實物呢？

原圖嚟自網絡