抗日英雌楊惠敏嘅事蹟响之前介紹四行倉庫八百壯士個陣已經提及過，無錯喇！佢就係四行倉庫保衛戰中冒生命危險將當時民國國旗送入去，呢位抗日英雌後嚟繼續參與抗日工作，不過就因為得罪咗權貴而受牢獄之苦。

咁佢得罪咗邊個呢？就係軍統阿頭戴笠喇！之前提及過戴笠响香港淪陷期間託東縱救胡蝶逃離香港，負責呢項工作嘅就係楊惠敏。不過，胡蝶係天后級人馬，家當自然唔少。响佢成功離開香港後，唔少家當就運去重慶。但中途胡蝶嘅家當行李被劫，胡蝶傷心慾絕，認為係楊惠敏監守自盜，於是就响戴笠投訴。後嚟軍統捉咗楊惠敏審問，仲安咗佢間諜罪名。直到戴笠死咗之後，楊惠敏先至獲釋。不過，另有一個講法就係話，當時楊惠敏被軍統囚禁，的確係同懷疑佢做間諜有關，胡蝶唔見行李只係為事件加一層煙幕。

原圖：網絡