受到疫情影響，全球各地嘅博物館參觀人數都大減，甚至收入仲大幅下跌。有部份博物館眼見呢啲情況，就已經率先推行一啲線上平台，等各地嘅遊客可以留在家中欣賞住呢啲展品先。

近日，建於1190年嘅羅浮宮博物館就指出佢哋2020年嘅參觀人數足足下跌72%，而收入更加大減9,000萬歐元。提起呢座博物館，相信唔少史友都會諗起鎮館之寶——達文西油畫《蒙娜麗莎》、歐仁．德拉克洛瓦嘅《自由領導人民》、羅浮宮最巨型油畫《迦拿的婚禮》等，而近日大家可能安在家中都可以欣賞到呢啲珍貴作品。

喺呢段咁特殊嘅時期，博物館嘅職員就決定加快處理館藏珍寶，並且將48萬件藝術品正式登錄線上平台。對全球嘅藝術愛好者嚟講，呢個真係一個好消息，事關大家都可以通過電腦又或者手機免費瀏覽「攜手羅浮宮之旅」嘅全部展品，足足有成482000件作品，係館藏嘅四分之三；同場嘅頁面仲提供埋法語、英語、西班牙語、中文畀大家進行研究，認真難得。

原圖嚟自網絡