《蘋果日報》早前因為涉嫌違反香港國安法而被警方國安處凍結3家關連公司港幣1800萬元資產，據聞《蘋果日報》因此陷入資金周轉困難，並公布會喺今晚午夜之後停止運作，呢個消息真係有人歡喜有人愁啊！

回顧呢份報紙，早喺1995年6月20日就已經創刊，喺創刊初時就喺香港報業界引起唔少風波，就好似先係以減價策略再送埋大蘋果，以每份2蚊嘅售價衝擊當時嘅市場，當年一份報紙普遍係賣到5蚊。唔單止咁，當時《蘋果日報》雖然版面好靚，但亦被質疑响新聞入面加入大量「煽、色、腥」（煽情、色情、血腥）嘅內容，例如有1998年付費擺拍「陳健康事件」、1999年向警方通訊員行賄換取每日罪案報告、以八卦新聞作為頭條報導誹謗周星馳、嚴重誹謗章子怡、以至被質疑喺網上推出意識不良嘅動新聞、製造多宗假新聞，吸引眼球之餘卻長期以嚟都被社會各界廣泛批評為求吸引讀者眼球而不擇手段、破壞新聞界風氣。

一份擁有26年歷史、爭斷不斷嘅報紙，今晚過後終於走向盡頭。

原圖嚟自網絡