繼續同史友們講一啲關於三國嘅歇後語，同諸葛亮、劉備相關嘅故事就同大家講過唔少，今次就想講下司馬懿！

提起司馬懿同埋諸葛亮呢兩位軍師，阿史就即時諗起八陣圖。諸葛亮就曾經推演兵法，改進「八陣圖」訓練蜀軍將士，所謂「八陣圖」就即係天覆陣、地載陣、風揚陣、雲垂陣、龍飛陣、虎翼陣、鳥翔陣、蛇蟠陣等八陣，連埋中軍就係一共九個大陣。相傳歷史上第一次用到呢個陣就係東漢名將竇憲大破北匈奴嘅稽落山之戰。

而時間去到三國，諸葛亮喺國力兵力嚴重劣勢下，除咗發明好多器械，另一大貢獻就係推演兵法，喺唐朝名將李靖所著《李衛公問對》入面就有描述八陣圖法係「大陣包小陣，大營包小營，隅落鉤連，曲折相對」、「以石縱橫布為八行」，所以可以少量兵力嘅情況擊破敵對大軍。

咁呢個陣法又同司馬懿有咩關係呢？原來諸葛亮曾經以八陣圖對陣司馬懿，司馬懿亦都可以一眼睇穿呢個係八陣圖，之不過佢就冇辦法破解到，所以喺上邽之戰被諸葛亮大破魏軍所部精兵。自此之後，後世就以呢句說話諷刺其他人「 不懂裝懂」。

原圖嚟自網絡