「數碼敦煌工程」進展如何？

提起敦煌莫高窟呢個世界知名嘅文化瑰寶，相信唔少史友都必定聽過，甚至仲有幸去過參觀。咁大家都知道，喺莫高窟入面嘅壁畫係會因為光線、溫度同埋人為等等嘅因素而受到破壞，甚至仲會慢慢消失，而要將呢啲珍貴壁畫好好保存，就相當依賴數碼保育工作。

「數碼敦煌工程」其實早喺上世紀八十年代就已經展開，而經過三十幾年嘅努力之下，敦煌方面就表示已經完成咗當中230幾個洞窟數碼化嘅工程,當時經譆長時間嘅數碼採集，足以令到研究人員可以「永久保存」呢個洞窟以及所有細節。「數碼敦煌工程」並唔係單純影幾張相咁簡單，而喺要喺洞窟內進行上千張相片嘅拍攝，當中嘅精度係要用到300dpi，並且面對光線不足或者窟頂、塑像呢啲複雜嘅主體就可用細緻後期製作同埋拼接。

據研究人員表示，如果影相要用上一年時間，咁後期製作就可能要用上三年時候，認真難得。如果有機會可以見到呢啲數碼作品，大家真係要好好欣賞啊！